தினமும் சுறுசுறுப்பாக ஓடி ஆடி வேலை செய்ய உடலுக்கு தேவையான சக்தியை கொடுப்பது காலையில் எடுத்துகொள்ளும் டிஃப்அன். ஆனால் பரபரப்பாக ஓடிக்கொண்டிருக்கும் சூழலில் பெரும் பாலும் காலை உணவை ஒரு தம்ளர் டீ, காபியோடு முடித்துவிடுகிறார்கள். இது அத்தனை ஆரோக்கியமல்ல என்கிறார்கள் மருத்துவர்கள்.
டிஃபன்
காலையில் ராஜாவைப் போல் சாப்பிட வேண்டும். மதிய உணவை மந்திரியைப் போல் சாப்பிட வேண்டும். இரவு உணவை பிச்சைக்காரனைப் போல் சாப்பிட வேண்டும் என்னும் பழமொழிக்குள் ஆரோக்கியம் குறித்த அத்தனை விஷயங்களையும் அடக்கிவிட்டார்கள் நம் முன்னோர்கள்.
இரவு உணவை முடித்து நீண்ட இடைவெளிக்கு பிறகு காலை உணவை எடுத்துகொள்வதால் அதை தவிர்க்காமல் சத்தான உணவை அன்றாடம் எடுத்துகொள்ள வேண்டும். அப்போதுதான் அன்றைய நாளை உடல் சோர்வின்றி ஆற்றலுடன் செயல்படமுடியும். உதாரணத்துக்கு குழந்தைகள் காலை யில் நன்றாக சாப்பிட்டு பள்ளிக்கு போனால்தான் உற்சாகமாக நாள் முழுவதும் படிப்பில் கவனம் செலுத்தமுடியும். இல்லையென்றால் கண்டிப்பாக சோர்வடைவார்கள். இதை நன்றாக கவனித்து பார்த்தால் உங்களுக்கே புரியும்.
அவசியம் ஏன்
நாம் உடலுக்கு கொடுக்கும் உழைப்பை கொடுக்க உடலுக்கு தேவையான சக்தியை உணவிலிருந்து தான் பெறுகிறோம். ஆனால் பலரும் வேலை அவசரம், உடல் எடை குறைய, இரவு பணி என்று கார ணம் காட்டி காலை உணவை மறுக்கிறார்கள்.
இன்னும் சிலர் ஒரு தம்ளர் டீ அல்லது காபியோடு முடித்துவிடுகிறார்கள். இன்னும் சிலர் பெயருக்கு சாப்பிடுகிறார்கள். இதனால் மதிய உணவை நீங்கள் போஷாக்கோடு எடுத்துகொண்டாலும் அதன் பலன் உங்களுக்கு கிடைக்காது என்பதே உண்மை.
பாஸிட்டிவ் எனர்ஜி
அன்றைய தினம் முழுவதும் உழைக்க வேண்டிய எனர்ஜியை தருவது காலை உணவுதான். நிறைந்த சத்தான உணவை எடுத்துகொள்பவர்கள் சுறுசுறுப்பாக புத்துணர்ச்சியோடு செயல்படவும் மூளை ஆற்றலோடு செயல்படவும் வேண்டிய பாஸிட்டிவ் எனர்ஜியைத் தருவதோடு அதிக ஆற்றலை சேமிக் கவும் உதவும். உடலில் உள்ள மெட்டபாலிசத்தை தூண்டுகிறது. இதனால் மன அழுத்தமின்றி ஆரோக்கியமாக வலம் வருவீர்கள். சத்தான காலை உணவை எடுத்துகொள்ளும் போது இதை நீங் களே உணரலாம்.
அதிக பருமன்
உணவை தவிர்த்தால் உடல் எடையைக் குறைக்கலாம் என்று நினைப்பவர்கள் செய்யும் முதல் தவறு இது. காலை உனவைத் தவிர்க்கும் போது பசியைத் தூண்டும் ஹார்மோன் அதிகரித்து விடுகிறது. இதனால் மதிய உணவை அதிகளவில் எடுத்துகொள்ள நேரிடும். இது உடல் எடையை மேலும் அதிகரிக்கவே செய்யும்.அப்படியானால் இனி தவறாமல் சாப்பிடுகிறேன் என்று கிடைத்ததை அவசர அவசரமாகஉட்கொண்டு ஓடுவதும் தவறானது.
இரவு பணியில் இருப்பவர்கள் பகலில் வந்ததும் தூங்கி விடுவதை வழக்கமாகி கொண்டிருப்பார்கள். ஆனால் இவர்களும் பகல் உணவை தவிர்க்க கூடாது. அதே போன்று அரை குறை உணவு பழக்கங்க ளையும் தவறாமல் செய்ய வேண்டும்.
நெகட்டிவ் எனர்ஜி
இரண்டு நாட்கள் உங்கள் காலை உணவை தவிர்த்தோ அல்லது குறைந்த சத்துள்ள உணவை எடுத் துக் கொண்டீர்கள் என்றால் ஆனால் அனறைய தினத்தில் உங்கள் செயலை கூர்ந்து கவனியுங்கள். நிச்சயம் மாற்றம் தெரியும். உடலின் ஆற்றல் மொத்தமாக குறையும். அப்போது உடலில் ஏற்கனவே சேகரித்து வைத்த சத்துகளை வைத்து உடல் ஈடு செய்ய நினைக்கும். இதை நெகட்டிவ் எனர்ஜி பேலன் என்று சொல்வார்கள். இவற்றை அதிகம் பயன்படுத்தும் போது சோர்வை உண்டாக்கும்.
இளம்பருவத்திலிருப்பவருக்கும், பதின்ம வயதினருக்கும் இந்த பாதிப்பு உடனடியாக தெரியாது. ஆனால் 35 வயதை கடந்த பிறகு உடல் ஆரோக்கியம் குறைபாடு நேரும் போது இதை உணர்வார்கள். பெரும்பாலான இல்லத்தரசிகளும், பணிக்கு செல்பவர்களும் ஆண்களும் கூட பல நாள்
உடல் ஆரோக்கிய குறைபாடு:
காலை உணவைத் தவிர்க்கும் போது இரத்தத்தில் உள்ள குளுக்கோஸ் அளவு குறையும். இதனால் சர்க்கரை நோய் வருவதற்கான வாய்ப்பு அதிகரிக்கும். தொடர்ந்து காலை உணவை தவிர்க்கும் போது இன்சுலின் சுரப்பு குறையும். மதிய உணவை அதிகரிக்கும் போது இன்சுலின் சுரப்பு அதிகமா கும். இதனால் இன்சுலின் சுழற்சியிலும் இந்த மாற்றங்கள் உண்டாகும்.
மன அழுத்தத்தை அதிகரிக்கும் உணவை தவிர்க்கும் போது உற்சாகமாக வைத்துக்கொள்ள வேண் டிய டோபமைன் மற்றும் செரடோனின் என்னும் இரண்டு ஹார்மோன்களின் அளவு குறைவதால் மனசோர்வு அதிகரிக்கும்.
செரிமான சுரப்பிகளின் மாற்றம் உண்டாவதால் வயிற்றுத்தசைகளில் புண்கள் உண்டாவதோடு ஜீரணமின்மை, வயிற்றுப்புண் தீவிரமாகி அல்சர் போன்ற பாதிப்புகளையும் உண்டாக்கும். உண வில் கிடைக்கும் ஊட்டச்சத்துகள் உடலுக்கு கிடைக்காது.குறிப்பாக வைட்டமின் பி 12 குறைபாடு அதிகரிக்கும் போது இரத்த சோகை பிரச்சனையில் கொண்டுவந்துவிடுவதும் உண்டு.
எப்போதும் காலை உணவு நாள்முழுக்க நம்மை ஆற்றலாக இயங்க வைக்கவும். சோர்வின்றி சுறு சுறுப்பாக வைக்கவும் உதவும் என்பதால் தவிர்க்ககூடாது என்பதே ஊட்டச்சத்து நிபுணர்களின் கருத்து. இனி உங்கள் குழந்தைக்கும் வீட்டு ஆண்களுக்கும் காலை உணவை சத்தாக கொடுங்கள். அப்படியே நீங்களும் உங்களை உற்சாகமாக வைக்க சத்தான உணவை கண்டிப்பாக எடுத்துகொள்ளுங்கள். முடிந்தால் ஒரு பிடி பாதாம் பருப்பும்..
No comments:
Post a Comment