காலையில் எழுந்ததும் காபி குடிக்காமல் இருக்க முடியாது என்று நினைப்பவர்கள் அதிகம் உண்டு. ஒரு கப் காபி போதும் நாள் முழுவதும் உற்சாகமாக புத்துணர்ச்சியுடன் இருப்பதற்கு என்று நினைப்பவர்களுக்கு காபி, டீக்கு பதிலாக க்ரீன் டீ ஒன்றையும் அறிந்திருப்பார்கள். க்ரீன் டீ உடல் ஆரோக்கியத்துக்கும் உடல் எடையைக் குறைப்பதிலும் உதவுவதாக சொல்லும் பலருக்கும் க்ரீன் காபி பற்றி தெரிந்திருக்குமா அப்படியென்றால் தெரிந்துகொள்ளுங்கள்.
க்ரீன் காபி பீன்ஸ்
காபி கொட்டைகளில் வறுக்காத பதப்படுத்தப்பட்ட கொட்டை. எனினும் இதில் காபியின் நறுமண மும் சுவையும், இந்த பச்சை கொட்டைக்குள் அப்படியே இருக்கும். வறுத்த காபி கொட்டையில் வறுக்கும் போது கொட்டையில் இருக்கும் ஆற்றல் இழந்துவிட வாய்ப்புண்டு. ஆனால் பச்சை கொட்டையில் இந்த ஆற்றல் பாதுகாக்கப்படுகிறது.
க்ரீன் காபி பீன்ஸ் கொட்டைகளில் குளோரோஜெனிக் அமிலம் பாதுகாக்கப்படுகிறது. இது உடலுக்கு பல்வேறு நன்மைகளை அளிக்கிறது. அதிக உடல் எடையைக் கட்டுக்குள் வைப்பதோடு இரத்தத்தில் சர்க்கரை அளவை பராமரிக்கவும் உதவுகிறது. இதனால் வறுத்த கொட்டைகளை விட பச்சை காபி கொட்டைகள் அதிக ஆற்றலைத் தரும் என்று நம்பப்படுகிறது. தற்போது க்ரீன் டீ போன்று க்ரீன் காபியும் உடல் எடை குறைப்பில் பயன்படுத்தப்பட்டு உடல் எடையையும் குறைக்க உதவுகிறது.
நீரிழிவு குறைய கல்லீரல் பாதுகாக்க
டைப் 2 நீரிழிவு நோய் இருப்பவர்கள் க்ரீன் காபியை குடிப்பதன் மூலம் இரத்தத்தில் சர்க்கரையின் அளவை சீராக வைத்திருக்கலாம். மேலும் கட்டுப்படுத்தமுடியாத நீரிழிவு பிரச்சனைக்கு உள்ளாகும் போது உண்டாகும் குறைபாட்டையும் சரி செய்ய இவை உதவுகிறது.
குளோரோஜெனிக் அமிலம்சிறந்த வளர்சிதை மாற்றத்தை அதிகரிக்க உதவுகிறது. இது பிஎம் ஆர் என்னும் வளர்சிதை மாற்ற விகிதத்தை அதிகரிப்பதால் கல்லீரலில் இருந்து உற்பத்தியாகும் க்ளுக் கோஸ் இரத்தத்தில் கலப்பதைக் குறைக்கிறது. அதற்கு மாற்றாக உடலில் இருக்கும் அதிகப்படியான கொழுப்பு செல்களில் சேமித்து வைத்திருக்கும் கொழுப்பை எரிக்க உதவுகிறது.
சுறுசுறுப்பும் ஆயுளும்
உடலையும் மனதையும் விரைவில் தளரசெய்யாமல் ஃபிட்டாகவும் ஆரோக்கியமாகவும் வைக்க தினம் ஒரு கப் க்ரீன் காபி பருகுவது நல்லது. இதில் இருக்கும் அதிகப்படியான ஆன்டி ஆக்ஸிடெண்ட் கள் ஆயுளை நீட்டித்து ஆரோக்கியமாக வைக்க உதவுகிறது. உடலில் இருக்கும் அழுக்குகளை நீக்குகிறது குறிப்பாக கல்லீரலில் இருக்கும் டாக்ஸின்களை நீக்கி செரிமானத்தை ஊக்குவிக்கிறது.
காலை ஒரு கப் க்ரீன் காபி, நாள்முழுக்க உடல் சுறுசுறுப்பாக இயங்குவதற்கு தேவையான உடலின் மெட்டபாலிசத்தை அதிகரித்து அதிகளவு ஆற்றலை வழங்குகிறது. மந்தமான சோர்விலிருந்து காப் பாற்றி மூளைக்கு சுறுசுறுப்பை வழங்குகிறது. உண்ணும் உணவை ஆற்றலாக மாற்றும் திறனை அதிகரித்து உடல் எடையைக் கட்டுக்குள் வைக்கிறது.
உடல் எடை குறைய
உடல் எடை பருமனாக இருப்பவர்களுக்கு மேலும் அதிகமாக பசி உணர்வு உண்டாவதுண்டு அத்த கைய பசி உணர்வை கட்டுப்படுத்த தினம் ஒரு கப் க்ரீன் காபி போதுமானது. இதைப் பயன்படுத்தும் போது நீங்களே உணர்வீர்கள்.
இந்தியன் ஜர்னல் ஆஃப் இன்னோவேட்டிவ் ஆராய்ச்சி ஆய்வு ஒன்றை வெளியிட்டுள்ளது. பச்சை காபியில் உள்ள குளோரோஜெனிக் அமிலமானதுஉடலில் மெட்டபாலிசத்தை உயர்த்தி எடை குறைப் பில் வேகமாக செயல்படுவதாக தெரிவித்துள்ளது. உடலில் இருக்கும் கெட்டகொழுப்புகளை கரைத்து வெளியேற்றுகிறது. இதனால் அதிக எடை இழப்பு சாத்தியமாகிறது.
அழகும் தரும்
ஆரோக்கியத்தை அதிகரிக்கும் க்ரீன் காபி உடல் ஆரோக்கியத்தை பேணுவதோடு இயல்பாகவே சருமத்தில் இருக்கும் அழுக்கை வெளியேற்றி சரும அழகையும் பளபளப்பையும் அதிகரிக்கிறது.
காலையில் ஒரு கப் காபி தேவை என்பவர்கள் க்ரீன் காபியை உணவுக்கு பிறகு எடுத்துகொள்வது நல்லது. அதே நேரம் அதிக நன்மைகளை கொண்ட க்ரீன் காபியை குழந்தைகள், கர்ப்பிணிகள், நோயாளிகள் எடுத்துகொள்ளகூடாது என்பதையும் கவனத்தில் கொள்ள வேண்டும். தேவையெனில் உங்கள் மருத்துவரை கலந்து ஆலோசித்து எடுத்துகொள்ளலாம்.
எப்படி தயாரிப்பது
பெரிய கடைகளில் அல்லது ஆன்லைனில் க்ரீன் காபி பீன்ஸ் என்னும் பெயரில் விற்கப்படும் வறுக் காத க்ரீன் கொட்டைகளை வாங்கி ஒன்றிரண்டாக பொடித்து வைத்துகொள்ளுங்கள். ஒருதம்ளர் நீரை கொதிக்க வைத்து இறக்கு அதில் அரை டீஸ்பூன் பொடியை போட்டு பத்துநிமிடங்கள் கழித்து வடிகட்டாமல் மேலாக அந்த நீரை ஊற்றி குடியுங்கள். இலேசான பச்சை நிறத்தில் காபியின் நறும ணத்தோடு மணக்கும் இதை தேன், எலுமிச்சை சாறு கலந்தும் குடிக்கலாம்.
உடனே வாங்கி குடியுங்க..
No comments:
Post a Comment