உடலில் இருக்கும் பாகங்கள் தலை, கழுத்து, கை கால் போன்றவற்றை தாங்கி பிடிப்பது எலும்புகள். வாழ்நாள் முழுவதும் இவை பலமாக இருந்தால் தான் நம்மால் எழுந்து நிற்கவும் நடக்கவும் உட் காரவும் முடியும்.உடலை தாங்கி பிடிக்கும் எலும்புகளின் உறுதி வயதான காலத்தில் தான் குறையும். வலுவிழக்கும். தேய்மானத்துக்கு உள்ளாகும். சமீப காலமாக இளம் வயதிலேயே இந்த பிரச்ச னைகளை சந்தித்து வருகிறார்கள்.
எலும்பு
உடலை தாங்கி நிற்கும் ஆதாரமே எலும்புகள் தான். உடல் சிறிய, பெரிய எலும்புகள் முதல் மூட்டு கள் வரை இணைந்து நம்மை இயக்கிக்கொண்டிரு க்கிறது. இன்று நீரிழிவு, உயர் இரத்த அழுத்தம் போன்றே எலும்பு தேய்மான பிரச்சனைகளும் அதிகப்படியாக இருக்கிறது.
இறைக்க இறைக்க தான் கேணி ஊறும் என்று சொல்வார்கள் முன்னோர்கள் எந்த ஒரு பொருளை யும் பயன்படுத்தாமல் வைத்திருக்க கூடாது என்று சொல்வது இதற்குதான். உடல் உறுப்புகள் கூட பயன்படுத்தாமல் இருக்கும் போது அவற்றுக்கு உரிய வேலை கொடுக்காமல் ஓய்வாக வைத்திருந் தாலே அவற்றின் ஆரோக்கியம் குன்றவே செய்யும்.
முன்னோர்கள் எந்த விதமான இயந்திரங்களின் பின்னாலும் செல்லாமல் சுயமாக தங்கள் வேலை யை செய்துகொண்டார்கள். அதனால் தான் எலும்பு தேய்மானம் பிரச்சனையை அதிகம் சந்திக் காமல் வாழ்ந்துவந்தார்கள்.
பாதிப்பு
வயதாகும் போது இயல்பாகவே மூட்டு தேய்மானம் உண்டாகும். இதுதான் ஆஸ்டியோஒபெராசிஸ் என்று அழைக்கப்படுகிறது. கடந்த 10 வருடங்களாக 35 வயதை தாண்டும் போதே எலும்பு தொடர் பான பிரச்சனைகளை சந்தித்துவந்தார்கள். தற்போது அவையும் சுருங்கி இளவயதிலேயே இந்த பிரச்சனைக்கு உள்ளாகி வருபவர்களின் சதவீதமும் அதிகரித்து வருகிறது.
உச்சி முதல் பாதம் வரை தலை கழுத்து, கைகள், கால்கள், விரல்கள், பாதங்கள், குறிப்பாக முதுகுத் தண்டுவடம் என எலும்புகள் இருக்கின்றன. இவற்றில் ஏதேனும் ஒன்று பாதிக்கப்பட்டாலும் உடலின் மொத்த இயங்கள் கடும் சிரமத்துக்கு உள்ளாகின்றன.
எலும்பு நோய்கள்
எலும்பு குறைபாடுகளில் முக்கியமானது எலும்பு தேய்மானமும் எலும்பு அடர்த்தி குறைபாடும், என் றாலும் எலும்பு நீட்டு, ஊட்டச்சத்து குறைபாடு, ஜவ்வு குறைவது போன்ற பிரச்சனைகளையும் உண் டாக்குகின்றன.அதன் பிறகு மூட்டுகளில் உண்டாகும் வலியும் தொடங்குகிறது.
ஆர்த்ரைட்டீஸ், ஆஸ்டியோபெராசிஸ்,ஆஸ்டியோ ஆர்த்ரைட்டீஸ் என்று எலும்பு நோய்களும் தாக்க தொடங்குகின்றன. இவை தவிர விபத்துகளின் போது உடையும் எலும்புகள்,மூட்டுகள் அறுவை சிகி ச்சை மூலமாக சரி செய்யப்பட்டாலும் போதிய ஊட்டச்சத்து இல்லையென்றால் அவையும் பாதிப்புக்குள்ளாகின்றன. எலும்பில் இருக்கும் ஜவ்வு வயதுக்கு மேல் அதனுடைய குணத்தை இழக் கும் போதும் மூட்டுவலி பிரச்சனைகள் உண்டாகிறது.
யாரை தாக்குகிறது
முன்பெல்லாம் 40 வயதைக் கடந்தவர்கள் அவ்வபோது மூட்டுகளில் வலியை உணர்வார்கள். கை யோடு உணவு பழக்கத்தை கவனத்துடன் கடைப்பிடித்து எலும்பை பாதிப்பிலிருந்து மீட்டு கொண் டார்கள். இன்று உடலுக்கு போதிய உழைப்பை கொடுக்காததோடு உணவு முறையிலும் பல மாற்றங்களை சந்தித்ததன் விளைவுதான் அதிகரித்துவரும் எலும்பு தேய்மானம் குறைபாடு.
35 வயதைக் கடக்கும் போது ஆண்களும், பெண்களும் இந்த பாதிப்புக்குள்ளாகிறார்கள் குறிப்பாக பெண்களை அதிகமாகவே குறி வைத்துதாக்குகிறது இந்த எலும்பு தேய்மான பிரச்சனை, இடுப்பு எலும்பு, முதுகுத் தண்டு எலும்பு, மூட்டுவலி என்று அதிகப்படியான வலியுடன் பெண்கள் போராடுவது அதிகரித்து வருகிறது.
தற்போது வளரும் குழந்தைகளும் எலும்பு பிரச்சனையை சந்திக்கவில்லை என்றாலும் உறுதியான எலும்பை பெற்றிருக்கவில்லை என்றே சொல்லலாம்.
உடல் உழைப்பின்மை
உடல்பயிற்சி செய்யவே தேவையில்லாமல் ஒவ்வொரு வேலையையும் பயிற்சியாக செய்துவந்தார் கள். கிணற்றில் நீர் இறைப்பதும், மாவுக்கல்லில் மாவு அரைப்ப்பதும் கைகளுக்கு பயிற்சியாக இருந்தது. துணி துவைக்கும் போது தோள்பட்டை வலுவாக இருந்தது. அலசும்போது குனிந்து நிமிர்வதும், தண்ணீர் குடத்தை இடுப்பில் வைக்கும் போதும் இடுப்பு எலும்புக்கு பயிற்சியாக இருந்தது.
ஆண்களும் நடப்பதும், சைக்கிள் ஓட்டுவதும், வயலில் வேலை செய்வதும் என்று கை, கால்களுக்கு ஓய்வில்லாமல் உழைப்பை கொடுத்தார்கள். இதனால் உடலுக்கு வேண்டிய பயிற்சிகளுக்கு தனி பயிற்சி தேவையில்லாமல் இருந்தது.
இப்போது உடலை வருத்தும் வேலையைச் செய்யாமல் மாறாக உடல் பயிற்சி செய்கிறார்கள். இயற் கையான முறையில் கொடுக்கும் உடல் உழைப்பை கொடுக்காமல் இருப்பதால் ஆரோக்கியம் குன்றுவதும் அதிகரித்துவருகிறது.
பொதுவான காரணங்கள்
மாறிய வாழ்க்கை சூழலும் உணவு முறையும் முக்கிய காரணங்கள் என்று சொல்லலாம். திறந்த வெளியில் வேலை செய்யும் போதும், குழந்தைகள் பள்ளியில் நான்கு சுவர்களுக்குள்ளும், இளைய தலைமுறையினர் ஏஸி அறைக்குள்ளும் அடைந்திருக்கும் சூழல் அதிகரித்துவிட்டது. இதனால் சூரிய ஒளியில் இருந்து பெறும் வைட்டமின் சத்து கிடைப்பதில்லை.
ஸ்டீராய்டு மாத்திரைகள் எடுத்துகொள்பவர்களுக்கு இந்த பிரச்சனை உண்டாகிறது. தினமும் சம்ம ணமிட்டு உட்கார்வதும் குறைந்துவிட்டது, கழிவறைகள் கூட இந்திய கழிவறையைத் தவிர்த்து நவீன கழிப்பறைகளை உபயோகப்படுத்துவது அதிகரித்துவருகிறது. மூட்டுவலி பிரச்சனைகள் இருப்ப வர்களைத் தவிர்த்து பிறரும் இதை பரவலாக பயன்படுத்தி வருவதும் ஒரு காரணம் என்று சொல் லலாம்.
வைட்டமின் டி
இதை தேடி ஓட வேண்டியதில்லை. இயற்கையாகவே கிடைக்கும் சத்து இது. உணவுகளில் பெற முடியாது. காலையில் 10. 30 மணியிலிருந்து 12 மணி வரை சூரிய ஒளியிலிருந்து வைட்டமின் டி சத்து பெறலாம்.எலும்பு தொடர்பான அடிப்படை பிரச்சனைக்கு காரணமே இந்த சத்து குறைபாடுதான்.
சூரிய ஒளி சருமத்தில் படும்போது உற்பத்தியாகும் வைட்டமின் டி சத்துதான் உடலுக்கு தேவையான கால்சியத்தை உறிஞ்சு எடுக்க உதவுகிறது. இயற்கையாக அதிலும் வெப்பமண்டலத்தில் இருக்கும் நம் இந்தியாவில் இந்த வைட்டமின் டி சத்து குறைபாட்டை கொண்டிருப்போரின் சதவீதம் அதிகமாக இருக்கிறது.
அதிக சூரிய ஒளிபடாமல் குளிரூட்டிய பணியிடத்தில் இருப்பவர்களும், இல்லத்தரசிகளுக்கும், பள்ளி குழந்தைகளுக்கும் சூரிய ஒளி படாமல் இருக்கும் போது வைட்டமின் டி குறைபாடும் வருகிறது.
குழந்தை பெண்கள் ஆண்கள்
குழந்தைகளுக்கு எலும்பு பலவீனமாக் இருந்தல் ரிக்கட்ஸ் என்னும் நோய் தாக்குகிறது. குழந்தை வயிற்றில் இருக்கும் போது கால்சியம் சத்து போதுமான அளவு கிடைக்காமல் உண்டான குறைபாடே இது என்று சொல்லலாம்.
ஆண்கள், பெண்கள் இருவரில் இந்நோய் அதிகம் தாக்குவது பெண்களைத்தான். நான்கு பெண்கள் எலும்பு தேய்மான பிரச்சனை கொண்டிருந்தால் ஒரு ஆண் மட்டுமே இத்தகைய பிரச்சனைக்கு உள் ளாகிறார்.
பெண்கள் பூப்படைதல், மாதவிடாய், பேறுகாலம், மெனோபாஸ் காலங்களில் அவர்கள் உடலில் உண்டாகும்ஹார்மோன் மாற்றங்கள் திசுக்களில் உண்டாக்கும் மாற்றத்தால் இந்த எலும்பு தேய்மானப் பிரச்சனை அதிகரிக்கிறது அதனால் தான் மருத்துவத்துறை பெண்களுக்கு அதிக கால்சியம் சத்து தேவை என்று கூறுகிறது.
என்ன சாப்பிடலாம்
சத்துகள் மூலம் எலும்பை வலுப்படுத்த முயல வேண்டும். உடற்பயிற்சி உழைப்பை மட்டும் நம்பா மல் உணவில் கவனம்செலுத்த வேண்டும். எலும்பை உறுதிபடுத்த கால்சியம், புரதம் நிறைந்த உணவுகளை எடுத்துகொள்ள வேண்டும். கால்சியம் நிறைந்த உணவுகளை தனியாகவே குறிப் பிட்டிருக்கிறோம்.
பொதுவாக பால், பாலில் தயாரிக்கப்படும் உணவுகள், கீரைகள். குறிப்பாக முருங்கைக்கீரை, கேழ் வரகு, காய்கறிகள். தானியங்கள். பருப்பு வகைகள் , உலர் பருப்புகள், பழங்கள்போன்றவற் றை யும் அசைவம் உண்பவர்களாக இருந்தால் மீன், முட்டை,நாட்டுகோழி போன்றவற்றையும் உணவில் சேர்க்க வேண்டும்.உணவு வாழ்க்கை முறையை சிறப்பாக்கினால் எலும்பு உறுதியையும் பெற்றுவிடலாம்.
பொதுவான காரணங்கள்
மாறிய வாழ்க்கை சூழலும் உணவு முறையும் முக்கிய காரணங்கள் என்று சொல்லலாம். திறந்த வெ ளியில் வேலை செய்யும் போதும், குழந்தைகள் பள்ளியில் நான்கு சுவர்களுக்குள்ளும், இளைய தலைமுறையினர் ஏஸி அறைக்குள்ளும் அடைந்திருக்கும் சூழல் அதிகரித்துவிட்டது. இதனால் சூரிய ஒளியில் இருந்து பெறும் வைட்டமின் சத்து கிடைப்பதில்லை.
ஸ்டீராய்டு மாத்திரைகள் எடுத்துகொள்பவர்களுக்கு இந்த பிரச்சனை உண்டாகிறது. தினமும் சம்மணமிட்டு உட்கார்வதும் குறைந்துவிட்டது, கழிவறைகள் கூட இந்திய கழிவறையைத் தவிர்த்து நவீன கழிப்பறைகளை உபயோகப்படுத்துவது அதிகரித்துவருகிறது. மூட்டுவலி பிரச்சனைகள் இருப்பவர்களைத் தவிர்த்து பிறரும் இதை பரவலாக பயன்படுத்தி வருவதும் ஒரு காரணம் என்று சொல்லலாம்.
No comments:
Post a Comment